(Khumi-Chin Hymn Book)
Achie i Tameuh ai palo naira y
khulyhm kangtha thui ai nai,
mymy ly kai ai patiu pie bo.
(Sam 40:3)
ANGCHEIH I LEU
Ngai parai nai amjo amnauchie awi, Isu Khrista ym nai achie ly Ampo, Chapo, Phailo Kachai, thumrie y bumrie Tameuh ai palo nai deaungkho y Baibul leu sai hawi amlau nai khulyhm ly aly ngai jojo nai ne.
Hunai deaungkho y Missionarychie tym nai y my khumi leu hawi khulyhm cha-iu patheu pie; dawn bie ai nabaly 1954 rie saneing y khulyhm cha-iu "Khumi Chin Hymn book" nanai patheu angcheih bo. Huni bo y Bishop J. Maung Pe my dawn hai i, Rev. Canon Len Vai ai khulyhm kangthachie pangyhm hai iy Rev. B. Theaung Hawi ai 1975 rie saneing, Sa-mau lo tleaung y Cheitawi y palau i, pa-nyh patheu bie nai ne; khulyhm vuikanai nawi ryh bo.
Huni bo y khulyhm cha-iu patheu bie; patheu bie nai katie baly ten saryhrie awm bo.
Khulyhm cha-iu patheu nai ly:
Angcheih - 1954
Pa-nyh - 1975
Pa-thum - 1990
Palyh - 2002
Pa-ngo - 2008
Tariu - 2012
Saryh - 2014
Vai py khulyhm cha-iu ly ngai veangveang nai deaungkho y Sub-kommiti vawi takhra iy sa hai bie nai ne.
1. Rev. Canon Cheing Thawn 2. Rev. Hawi Tli
3. Rev. Timothei 4. Rev. J. K. Eaung Thang
5. Sara J. Khen Eaung 6. Sara Eaung Vai
7. Sara Hamlen 8. Sarama Hawi Ryh
9. Sarama Kan Ma
Sub- kommiti my khulyhm cha-iu theung i thur kawp y nai khulyhmchie patheu mai iy khulyhm kangthachie pakun mai nai ne. Hini khulyhm cha-iu ai ly Khumi Cha tajyh nai leaungsai kangtha hawi tajyh pie nai ne. Khulyhm vuikanai py (400 ) rie khai khyh bo.
Naibaly kamkawm i Kalendara y awm nai Pawi kani vui khulyhmchie py angyhm keh pa-rie tabawi pie nai ne.
Hini khulyhm cha-iu theung y:
Am - Hymns ancient and Modern 1924.
E.H - English Hymnal 1960.
S.S - Sacred Songs and Solos.
M.H - Myanmar Hymnal.
Ym naichie i palo nai raawi ly Areng Tameuh teng y tym khyp ai nai paleung phailo verie palo u sina.
(+Dr. James Mang Deing)
Cheitawi Bishop
No Comments